९ भदौ । कीर्तिपुर नगरपालिका-४ गाम्चामा चोरी भएको छ । ५३ वर्षीया रोजिना खड्कीको घरबाट कोही नभएको अवस्थामा करिब ६ लाख रुपैयाँ बराबरको धनमाल चोरी भएको हो ।
प्रहरीका अनुसार सुनको नेक्लेश १ थान, मोती माला १ थान, सुनको सिक्री ३ थान, सुनको मंगल सूत्र १ थान, सुनको औँठी ४ थान, ल्यापटप १ थान चोरी भएको छ । प्रहरीले चोरीमा संलग्न हाल फरार व्यक्तिको खोजी गर्नुको साथै यस सम्बन्धमा आवश्यक अनुसन्धान गरिरहेको छ ।
प्रतिक्रिया