काठमाडौं उपत्यकामा दुईं जना मृत अवस्थामा फेला

काठमाडौं
२० भदौ । काठमाडौं उपत्यकामा दुईं जना मृत अवस्थामा फेला परेका छन् ।
प्रहरीका अनुसार काठमाडौंको बुढानिलकण्ठ नगरपालिका–४ लिपिकोटस्थित टहरामा बस्ने खोटाङ घर भएकी ४९ वर्षीया मिलन सरी राई आफ्नै टहरामा बुधबार मृत अवस्थामा फेला परेकी छिन्
।
साथै ललितपुरको महालक्ष्मी नगरपालिका–८ गोदावरी खोला किनारमा सोही नगरपालिकाको टिकाथली बस्ने इलाम चुलाचुली गाउँपालिका–५ घर भएका ५७ वर्षीय लक्ष्मण राई बुधबार मृत अवस्थामा फेला परेका छन् ।
घटनाहरुको सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।