सूर्यबिनायकमा जुवा खेलिरहेका पाँच जना पक्राउ

भक्तपुर
४ कात्तिक । भत्तलपुरको सूर्यबिनायकमा जुवा खेलिरहेको अवस्थामा पाँच जना पक्राउ परेका छन् ।
प्रहरीका अनुसार सूर्यबिनायक नगरपालिका ८ स्थित गणेश मन्दिर नजिकै जुवा (प्याचा) खेलिरहेको अवस्थामा मध्यपुरठिमी नगरपालिका–५ बस्ने ४० वर्षीय शिवराम श्रेष्ठ समेत ५ जनालाई शनिबार दिउँसो प्रहरीले पक्राउ गरेको हो ।
प्रहरी वृत्त जगातीबाट खटिएको प्रहरीले उनीहरूलाई नगद ३ लाख ५६ हजार ५ सय रूपैयाँ सहित पक्राउ गरेको थियो ।
घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।