मीनभवनमा निर्माणाधीन घरको ४ तलामाथिबाट खसेर एक मजदुरको निधन

८ कात्तिक । काठमाडौंको मीनभवनमा घरको छतबाट खसेर एकजना कामदारको मृत्यु भएको छ। मृत्यु हुनेमा नुवाकोटको बेलकोटगढी नगरपालिका- ३ का ४२ वर्षीय दिलबहादुर भुजेल रहेको प्रहरी परिसर काठमाडौंले जनाएको छ।

काठमाडौं महानगरपालिका–३१ आलोकनगरमा स्थानीय भिटु श्रेष्ठको निर्माणाधीन घरको चौथो तलाबाट आज बिहान साढे सात बजे खस्दा उनको मृत्यु भएको हो ।

छतबाट खसेर गम्भीर घाइते भएका भुजेलको तुरुन्तै नजिकै रहेको सिभिल अस्पतालमा लगिएको थियो। उपचारका क्रममा बिहान पौने ८ बजे उनको मृत्यु भएको हो । मृतक भुजेलको शव हाल सिभिल अस्पतालमै राखिएको छ।