नेपाली खेलाडीले जिते उसुको थाउलो विश्वकपमा ऐतिहासिक कास्य पदक

ललितपुर
११ कार्तिक । जापानमा जारी उसुको तेस्रो थाउलो विश्वकप २०२४ मा नेपाली खेलाडीले ऐतिहासिक काँस्य पदक जितेका छन् ।
थाउलोको पुरुष जेन्सु विधामा नेपालका विजय सिंजालीले ऐतिहासिक काँस्य पदक जितेका हुन् ।
उनले आइतबार विहान सम्पन्न प्रतिस्पर्धामा ९ दशमलब ६३६ अंक प्राप्त गर्दै काँस्य पदक जितेका थिए ।
सो स्पर्धामा मलेसियाका वेन सन वङले स्वर्ण तथा जापानका मोटो योसीले रजत पदक जिते ।
१८ औ र १९औ एशियन गेम्स सहभागी विजय सिंजालीले अन्तराष्ट्रिय आमंत्रित उसु प्रतियोगिता चाईनामा कास्य पदक जितेका खेलाडी पनि हुन् ।
१३ औ सागमा स्वर्ण पदक र १० औ राष्ट्रिय गेम्समा स्वर्ण पदक जितेका उनले रियादमा भएको वल्र्ड उसु कमब्याट गेम्समा पनि स्वर्ण पदक जितेका छन् ।
जपानमा रहेका नेपाल उसु महासंघका महासचिव ल्हाक्पा छिरिङ लामाले नेपालले ल्याएको काँस्यपदक उसु खेलको इतिहासमै ऐतिहाँसिक भएको बताए । उनले यो नतिजाले २०२६ मा जापानमा हुने ऐशियाली खेलकुदका लागि राम्रो परिणाम दिने प्रतिक्रिया दिए ।
टोकियोस्थित योकोहा शहरमा कात्तिक ७ देखि सुरु प्रतियोगितामा सहभागी ५ खेलाडी मध्ये अरु ३ खेलाडीको आजै प्रतिस्पर्धा छ ।
खेलाडीहरु दीपक हमाल, पासाङ शेर्पा र राजिव तामाङले आइतबारै प्रतिस्पर्धा गर्नेछन् ।
शनिबार महिला नान्डोको प्रतिस्पर्धामा नेपाली खेलाडी निमा घर्तीमगरले ५ औँ स्थान ल्याइन्