काठमाडौं बत्तिसपुतलीको घरमा झिलिमिलि बत्ती सझाउने क्रममा करेन्ट लागेर युवकको मृत्यु

काठमाडौं
१२ कात्तिक । तिहारका लागि झिलिमिलि बत्ती सझाउने क्रममा काठमाडौं बत्तिसपुतलीको घरमा करेन्ट लागेर युवकको मृत्यु भएको छ ।
प्रहरीका अनुसार काठमाडौं महानगरपालिका–९ बत्तिसपुतलीस्थित सुर्यकुमार बरालको घरमा काम गरी बस्ने कैलाली भजनी नगरपालिका–४ घर भएका २८ वर्षीय पवन चौधरीको करेन्ट लागेर सोमबार दिउँसो मृत्यु भएको हो ।
उक्त घरमा झिलिमिली बत्तिले घर सजाउने क्रममा करेन्ट लागेर गम्भीर घाइते भएका उनको सिनामंगलस्थित काठमाडौं मेडिकल कलेजमा उपचारको क्रममा मृत्यु भएको हो ।
घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।