२६ कात्तिक । नेकपा माओवादी केन्द्रले मंसिर मसान्तसम्म पालिका सम्मेलन गर्ने निर्णय गरेको छ ।
सोमबार बिहान पेरिसडाँडास्थित पार्टी कार्यालयमा बसेको पदाधिकारी बैठकले मंसिर मसान्तभित्र पालिका सम्मेलन र खबरदारी सभा एकैपटक गर्ने निर्णय गरेको हो ।
कात्तिक १० गते काठमाडौंमा खबरदारी सभा गरेको माओवादी केन्द्रले यसअघि स्थानीय तहमा पनि खबरदारी सभा गर्ने निर्णय गरेको थियो । यस्तै बैठकले पुस २ गते केन्द्रीय समिति बैठक पनि आह्वान गर्ने निर्णय गरेको उपाध्यक्ष अग्नि सापकोटाले जानकारी दिए ।
सापकोटाले मंसिर १६ गते हुने स्थानीय तह उपनिर्वाचनका लागि प्रदेशले टुंग्याएको उम्मेदवारहरूलाई अनुमोदन गर्ने निर्णय भएको बताए ।
प्रतिक्रिया