एकै दिन राजधानीका तीन ठाँउमा चोरी

काठमाडौं
काठमाडौंको तीन ठाँउमा चोरी भएको छ । काठमाडौंको नैकाप, भक्तपुरको लिवालीको दुई घरमा शनिबार एकै दिन चोरी भएको प्रहरी श्रोतले जानकारी दिएको छ ।
काठमाडौं चन्द्रागिरी नगरपालिका–१३ नैकाप थापा गाउँ बस्ने प्रशान्त थापाको घरबाट नगद तथा सुनको विभिन्न गरगहना गरी करिब ३ लाख २० हजार रूपैयाँ बराबरको धनमाल शुक्रबार दिउँसो चोरी भएको छ ।
भक्तपुरको भक्तपुर नगरपालिका–८ लिवाली डेरा गरी बस्ने सिन्धुपाल्चोक मेलम्ची नगरपालिका–८ घर भएकी ५३ वर्षीया ईश्वरी चौलागाईको कोठाबाट सुनको सिक्री १ थान र नगद समेत गरी करिब २ लाख ३० हजार रूपैयाँ बराबरको धनमाल शुक्रबार दिउँसो चोरी भएको छ ।
यसैगरी भक्तपुरको भक्तपुर नगरपालिका–८ लिवाली डेरा गरी बस्ने सोही नगरपालिका–४ गहिटी घर भएका ४४ वर्षीय हरी प्रसाद किजुको कोठाबाट नगद १ लाख
५० हजार रूपैयाँ र सुनको विभिन्न गरगहना गरी करिब ५ लाख ७० हजार रूपैयाँ बराबरको धनमाल शुक्रबार दिउँसो चोरी भएको छ ।
तीनै घटनाको चोरीमा संलग्न हाल फरार व्यक्तिहरूको खोजी गर्नुका साथै प्रहरीले आवश्यक अनुसन्धान गरिरहेको जानकारी दिएको छ ।