जडिबुटी दुर्घटनामा मोटरसाइकल चालक चापागाँईको मृत्यु

काठमाडौ
राजधानीको जडिबुटीमा भएको दुर्घटनामा मोटरसाइकल चालकको मृत्यु भएको छ ।
प्र्रहरीका अनुसार बुधबार राति काठमाडौं महानगरपालिका–३२ जडिबुटीस्थित सडकमा बा.२० च १६०५ नम्बरको कार र लु.४८ प ७११० नम्बरको मोटरसाइकल एकआपसमा ठक्कर खाएका थिए ।
सो दुर्घटनामा मोटरसाइकल चालक स्याङ्जा वालिङ नगरपालिका–४ घर भई काठमाडौं अनामनगर बस्ने ३० वर्षीय बुद्धिसागर चापागाईको मृत्यु भएको छ ।
दुर्घटनापछि गम्भीर घाइते भएका उनको राष्ट्रिय ट्रमा सेन्टर महांकालमा उपचारको क्रममा मृत्यु भएको थियो ।
कार चालकलाई प्रहरीले नियन्त्रण लिएर कानूनी कारवाहीको प्रकृया सुरु गरेको छ ।