२७ मंसिर । साइबर अपराध मुद्दामा काठमाडौं जिल्ला अदालतको आदेशले धरौटीमा छुटेका दुर्गा प्रसाईंलाई प्रहरीको केन्द्रीय अनुसन्धान ब्यूरोले नियन्त्रणमा लिएको छ ।
भारतीय गुण्डा नाइके लरेन्स विश्नोईको नाम लिएर नेपालका व्यवसायीलाई धम्की दिएको घटनामा ब्यूरोले अनुसन्धान गरिरहेको छ । ब्यूरोले संगठित अपराध र आपराधिक लाभ मुद्दामा अनुसन्धानका लागि जिल्ला अदालतबाट प्रसाईंविरुद्ध पक्राउ पुर्जी लिइसकेको छ ।
ब्यूरोका प्रवक्ता एसपी होविन्द्र बोगटीले प्रसाईं सीआईबीको नियन्त्रणमा रहने बताए । उनले भने, ‘हामीले दुई वटा मुद्दामा अनुसन्धान गर्न अदालतबाट पक्राउ पुर्जी लिइसकेका छौं, अब उनमाथि अनुसन्धान हुन्छ, प्रहरीको निगरानीमा केएमसी अस्पतालमा प्रसाईंलाई उपचारको लागि राखिन्छ ।’
प्रतिक्रिया