पूर्वाधार पत्रकार समाजको अध्यक्षमा सुनिता कार्की

काठमाडौँ
नेपाल पूर्वाधार पत्रकार समाजको अध्यक्षमा सुनिता कार्की निर्विरोध निर्वाचित भएकी छिन् ।

समाजको आज सम्पन्न तेस्रो वार्षिक साधारणसभा तथा दोस्रो अधिवेशनले कार्कीको नेतृत्वमा सर्वसम्मत रूपमा नयाँ कार्यसमिति चयन गरेको हो । समाजको उपाध्यक्षमा विमल खतिवडा, सचिवमा दिनेश खड्का, सहसचिवमा प्रशन्न ढुङ्गाना र कोषाध्यक्षमा हिमा विश्वकर्मा चयन भएकी निर्वाचन समितिका संयोजक भीम गौतमले जानकारी दिएका छन् ।

यसैगरी समाजको सदस्यमा विष्णु रैगाईं, आशुतोष अर्याल, शर्मिला न्यौपाने, धना ढकाल, निर्दोष घोरसाइने र पवन तिमिल्सिना चयन भएका छन् ।