काठमाडौं
आजदेखि स्वस्थानी ब्रतकथा आरम्भ भएको छ । आजैदेखि काठमाडौं साँखुस्थित शालीनदीमा एक महिने मेला सुरु भएको छ ।
हरेक वर्षको पौष शुक्ल पूर्णिमाका दिन सुरु हुने स्वस्थानी व्रत कथा तथा माधवनारायणको पूजा सुरु हुने गर्दछ ।
प्रत्येक वर्ष पौष शुक्ल पूर्णिमादेखि माघ शुक्ल पूर्णिमासम्म एक महिनासम्म हरेक दिन घर–घरमा स्वस्थानीको कथा भन्ने चलन छ ।
आजदेखि एक महिनासम्म १०८ जनै, १०८ सुपारी, १०८ पान, १०८ फूल, १०८ रोटी, १०८ अक्षता विभिन्न थरीका फलफूल, धूप, बत्ती, नैवेद्य, श्रीखण्ड, रक्तचन्दन, सिन्दूर, वस्त्र, भेटी चढाई व्रतको कामना पूर्ण होस् भनी स्वस्थानी मातालाई चढाइन्छ ।
आजैको दिन हात गोडाका नङ काटी, स्नान गरी, शुद्ध वस्त्र पहिरिएर ब्रतकथा आरम्भ गरिन्छ ।
आजैबाट काठमाडौंको शालीनदीमा स्वस्थानीको मेला सुरु भएको छ । गोमा ब्राह्मणीले सप्तऋषिले सिकाएको विधिअनुसार व्रत गरेको र व्रतकै प्रभावले छोरा नवराज लावण्य देश (हालको साँखु क्षेत्र)को राजा भएको कथामा उल्येख छ ।
मेला भर्न हरेक बर्ष साँखु क्षेत्रमा भीड लाग्छ ।
प्रतिक्रिया