हास्य कलाकारहरुको चलचित्र ‘लाज शरणम्’प्रति दर्शकको चासो

काठमाडौं
पछिल्लो पुस्ता हास्य कलाकारहरुको चलचित्र हेर्न रुचाउछन् । दिपकराजगिरी र दिपाश्री निरौलाले बनाएको छक्का पञ्जा सिक्वेलले यो कुराको प्रमाणित गरिदिएको छ ।

हुन त ‘पूर्ण बहादुरको सारङ्गी’जस्तो दर्शक रुवाउने चलचित्र पनि बक्स अफिसमा सफल रह्यो । गत तिहारपछि कुनै पनि चलचित्रले उल्येख्य व्यापार गर्न सकेका छैनन् ।

यही फागुन १४ गते शिवरात्रीको सन्दर्भ पारेर प्रर्दशन सुरु हुन लागेको चलचित्र ‘लाज शरणम्’ पछिल्लो समय चर्चामा छ । हास्य श्रृखला ‘सक्किगोनि’ हेर्दै आएका लाखौं दर्शक यो चलचित्रको विषयबस्तुप्रति आर्कर्शित छन् ।

चलचित्र ‘लाज शरणम्’को एउटा गीत काठमाडौं महानगरका मेयर मेयर बालेन शाहले गाएपछि झनै चर्चा चुलिएको छ ।
चलचित्रको टिजर ट्रेलर रगीतलगायतका सामाग्री हेर्ने दर्शकको प्रतिकृया हेर्दा पनि चलचित्रप्रति दर्शकको सर्वाधिक चासो रहेको बुझ्न सकिन्छ ।

चलचित्रमा सिताराम कट्टेल ‘धुर्मुस’, विजय बराल, अर्जुन घिमिरे ‘पाँडे’, हरिष निरौला ‘बले’, सागर लम्साल ‘बले’लगायत कलाकारको अभिनय हेर्न सकिन्छ । लेखक, कलाकारदेखि निर्देशकसम्म यो चलचित्रमा ‘सक्किगोनि’ टिमका सदस्यहरु रहेका छन् ।

‘लाज शरणम्’को मुख्य भूमिकामा सिताराम कट्टेल छन् भने चलचित्रको अर्का कलाकार कुमार कट्टेलले निर्देशन गरेका छन् ।

जेपिटी क्रियसनको ब्यानरमा निर्माण भएको सिनेमामा नवीन श्रेष्ठ निर्माता, राम नरेश शाह र सृजना खड्का सह–निर्माताको रूपमा रहेका छन् ।