पोखरामा कोटिहोम आयोजनाका लागि मध्यमार्गी बाटो खोजिदै

पोखरामा आयोजना हुने भनिएको ऐतिहासिक श्री गण्डकी कोटिहोम विराट ज्ञान महायज्ञ सञ्चालनका लागि मध्यमार्गी बाटो खोजी सुरु भएको छ ।
सोमबार महानगरको कार्यालयमा जिल्ला प्रशासन कार्यालय कास्कीको विशेष पहलमा महानगरपालिका,कोटिहोम आयोजक मानव सेवा फाउण्डेसन र जिल्ला प्रशानस कार्यालय कास्की विच छलफल भएको हो ।
सोमबारको बैठकपछि पोखरामा हुन लागेको उक्त कोटिहोम महायज्ञ सबै मिले सफल पार्ने निर्णय भएको महायज्ञका संकल्पकर्ता वालयोगेश्वर विजय श्री कृष्ण मूर्ती जी महाराजले बैठकपछि जानकारी दिएका छन् ।
त्यस्तै मंगलबार बिहान पोखरा महानगरपालिकाको ४३ औं कार्यापालिकाको बैठक बसी ५ सदस्यि विबाद समाधान समिति घोषणा गरेर उक्त समितिले कुन ठाउमा कोटिहोम महायज्ञ सञ्चालन गर्दा उपयुक्त हुन्छ भन्ने बारे निचोड निकाल्ले निर्णय भएको छ ।
गत शुक्रबार भूमिपूजन रोक्न पुगेको नगरप्रहरी र आयोजकबीच भिडन्त भएको थियो भने दुबैतर्फका ११ जना घाइते भएका थिए। विवाद बढ्दै गएपछि कोटीहोम आयोजक र महानगरबीच मध्यमार्गी बाटो खोज्ने क्रममा सोमबार यो सहमति जुटेको बताइएको छ ।