दीपिका पादुकोणलाई चलचित्रको कथा सार्वजनिक गरेको आरोप

काठमाडौँ
बलिउड अभिनेत्री दीपिका पादुकोणलाई आउदो चलचित्र स्पिरिटको कथा लिक गरेको आरोप लगेको छ ।

सुपरहिट चलचित्र कबीर सिंह र एनिमल जस्ता ब्लकबस्टर चलचित्र निर्देशन गरिसकेका सन्दीप रेड्डी वांगाले सो आरोप लगाएका हुन्

दीपिकालाई फिल्मबाट हटाएपछि तृप्ति डिमरीलाई लिएका बांगाले दीपिकाले फिल्मको कथा लिक गरेको आरोप लगाएका हुन् । वांगाले दीपिकाको नाम नलिई उनले चलचित्र छोड्ने बित्तिकै चलचित्रको कथा लीक गरेको आरोप लगाएका छन् ।

वांगाले सामाजिक सञ्जाल मार्फत भनेका छन्, ‘जब म कुनै कलाकारलाई मेरो कथा सुनाउँछु, म उसलाई १०० प्रतिशत विश्वास गर्छु । हामीबीच एउटा अघोषित गैर९प्रकटीकरण सम्झौता हुन्छ । तर यसो गरेर तपाईंले आफू को हुँ भनेर देखाउनु भएको छ । एक युवा कलाकारको अपमान गर्नु र मेरो कथा लीक गर्नु, के यो तपाईंको नारीवाद हो रु एक चलचित्रनिर्माताको रूपमा, मैले आफ्नो कलामा धेरै वर्ष कडा परिश्रम गरेको छु । चलचित्रनिर्माण नै मेरो लागि सबैथोक हो । तर तिमीले यो बुझ्न सकेनौ र बुझ्न पनि सक्ने छैनौ । अर्को पटक पुरै कथा भन्नु, किनकि यसले मलाई केही फरक पार्दैन ।’

वांगाले आफ्नो पोस्टमा दीपिकाको नाम भने उल्लेख गरेका छैनन् तर उनले यो दीपिकाका लागि नै लेखेको स्पष्ट रहेको छ । सन्दीपले आफ्नो पोस्टमा उल्लेख गरेकी युवा अभिनेत्री तृप्ती डिमरी भएको अनुमान गरिएको छ ।

कथा स्पिरिटमा प्रभासको अपोजिटमा दीपिका पादुकोणलाई कास्ट गरिएको थियो । दीपिका गर्भवती भएको कारणले चलचित्र छोड्न चाहन्थिन्, तर सन्दीप रेड्डी वांगाले उनको लागि चलचित्रको छायांकन पनि स्थगित गरिदिए । यसका बाबजुद पनि दीपिकाले चलचित्रमा काम गर्नका लागि धेरै सर्तहरू राखिन्। । उनी ८ घण्टाको सिफ्ट मात्र पाउनुपर्ने, हप्ताको ५ दिन काम गर्नुपर्ने, नाफामा भाग लिनुपर्ने र तेलुगु संवाद नबोल्नुपर्ने लगायतका मागहरू राखेकी थिइन् । अभिनेत्रीको बढ्दो मागबाट असन्तुष्ट सन्दीप रेड्डी वांगाले उनलाई चलचित्रबाट हटाए ।

उनको ठाउँमा तृप्तिलाई चलचित्रमा कास्ट गरिएको छ। यसको आधिकारिक घोषणा पनि भइसकेको छ ।
एभरेष्ट न्यूज एजेन्सी,