लुभु लामाटार क्षेत्रका १३ जना युवाहरु जुवातास खेलिरहेको अवस्थामा पक्राउ

ललितपुर
लुभु लामाटार क्षेत्रका १३ जना युवाहरु जुवातास खेलिरहेको अवस्थामा पक्राउ परेका छन् ।

प्रहरीका अनुसार महालक्ष्मी नगरपालिका ९ लुभु लामाटार ज्याकटा टोल बस्ने ४० वर्षीय जोसिराज राईको घरमा जुवातास खेलिरहेको अवस्थामा जोसिराज समेत १३ जनालाई बुधबार बेलुकी प्रहरीले पक्राउ गरेको हो ।
काठमाडौं उपत्यका अपराध अनुसन्धान कार्यालय, शाखा कार्यालय ललितपुरबाट खटिएको प्रहरीले उनीहरूलाई नगद ३ लाख ४७ हजार ६ सय ३५ रूपैयाँ, १३ थान मोबाइल र तास ८ बुक सहित पक्राउ गरेको छ ।
घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।