भारतीय अभिनेता प्रदीप रावत नेपाली चलचित्रमा पल शाहको बुबाको भुमिकामा देखिने

काठमाडौं

भारतका प्रसिद्ध अभिनेता प्रदीप रावत नेपाली चलचित्र ‘आ बाट आमा’मा पल शाहको बुबाको भुमिकामा देखिने निश्चित भएको छ ।

तेलुगु, हिन्दी र तमिलका अभिनेता प्रदीप रावत नेपाली फिल्म ‘आ बाट आमा’मा अनुबन्ध भएका हुन्। चन्द्र पन्तको निर्देशन रहेने यस चलचित्रमा उनी नितान्त नेपाली लोकमा नेपाली स्टायलको भुमिका निवार्ह गर्दै छन् ।

निर्देशक पन्तले प्रदीप रावतलाई फिल्ममा अनुबन्ध गरेको बताए । उनले भने,‘आ बाट आमा’मा प्रदीप रावतलाई अनुबन्ध गरेका छाँै। उहाँ यो सिनेमामा पल शाहको बुबाको भुमिकामा हुनुहुने छ ।’

नेपाली चलचित्रमा काम गर्न आफु निकै उत्साहित रहेको रावतले बताएका छन् । अभिनेता रावतले यसअघि ‘ह्रस्व दीर्घ’मा अभिनय गरेका थिए। जसमा अभिनेत्री नीता ढुङगानाको बुबाको भुमिका निर्वाह गरेका थिए। जुन क्यारेक्टरलाई दर्शकले मन पनि पराएका थिए। निर्देशक चन्द्रले नै निर्देशन गरेको फिल्म ‘माई’ र ‘ह्रस्वदीर्घ’मा अभिनय गरेका थिए।

यस चलचित्रमा यसअघि विपना थापा,पल शाह अनुबन्ध भइसकेका छन्। चन्द्र पन्तकै निर्देशनमा बनेको चल ‘ह्रस्वदीर्घ’बाट विपनाले १६ वर्षपछि नेपाली रजतपटमा पुनरागमन गरेकी थिइन्। उनै निर्देशक पन्तको दोस्रो चलचित्रमा पनि सहकार्य गर्न लागेकी हुन्।

चलचित्रको कथा अभिमन्यू निरवीले तयार पारेका हुन भने सिनेमाको भदौबाट फ्लोरमा तयारी निर्माण पक्षको छ।
चलचित्रमा प्रदीप,विपना र पलका साथमा अन्य कलाकारहरुलाई निर्माण पक्षले अनुबन्ध गर्ने काम गरिरहेको छ।
अन्य कलाकार र प्राविधिकको पनि टुंगो छिट्टै लाग्ने निर्देशक पन्तको भनाई छ। थिम पोस्टर दुई साता अघि सार्वजनिक भएको थियो। निर्देशक पन्तले यो चलचित्रको प्रदर्शन मिति समेत तोकिसकेका छन्। उनका अनुसार यो फिल्म आगामी फागुन १५ गतेबाट प्रदर्शनमा आउने छ।