ललितपुर । ललितपुरमा एक युवकमाथि भएको आक्रमणमा पक्राउ परेका दुई जना आरोपीलाई अदालतले रिहा गरेपछि न्यायाधीश हरिप्रसाद कोइरालाविरुद्ध न्याय परिषद्मा उजुरी परेको छ । ८ असारमा सानेपास्थित सार्वजनिक स्थानमा दीपक शाक्यमाथि बियरको बोतल र हेल्मेटले आक्रमण भएको थियो। प्रहरीले आरोपी महेन्द्र रावल र धर्मराज खड्कालाई पक्राउ ग¥यो तर जिल्ला अदालत ललितपुरका न्यायाधीश कोइरालाले “पक्राउ अनुमति नहुने“ भन्दै आदेश दिएका थिए ।
पीडित पक्षले सीसीटीभी फुटेज, घाउँ जाँच फाराम र अस्पतालको रिपोर्ट पेश गरे पनि न्यायाधीशले गम्भीर मुद्दा हुँदाहुँदै पक्राउ स्वीकृति नदिएको भन्दै उजुरी दिएका हुन्। उक्त उजुरी न्याय परिषद् ऐन, २०७३ को दफा १० अनुसार दर्ता भएको छ। कोइराला यसअघि सिद्धबाबा प्रकरणमा सफाइ दिने न्यायाधीश पनि हुन्।
प्रतिक्रिया