ठमेलमा पर्यटक लुट्ने तीन जना युवाहरु काठमाडौंबाट पक्राउ

काठमाडौं
ठमेलमा पर्यटक लुट्ने तीन जना युवाहरु काठमाडौंबाट पक्राउ परेका छन् ।
प्र्रहरीले लुटपाटमा संलग्न रहेको अभियोगमा ३ जनालाई शुक्रबार दिउँसो प्रहरीले पक्राउ गरेको हो । पक्राउ पर्नेहरूमा काभ्रेपलाञ्चोक नमोबुद्ध नगरपालिका घर भई काठमाडौं महानगरपालिका १६ स्रोहखुट्टे नयाँबजार बस्ने २२ वर्षीय पासाङ तामाङ, २५ वर्षीय किरण कुमार मोक्तान र टोखा नगरपालिका १० श्रृजना टोल बस्ने २८ वर्षीय निल कुमार तामाङ रहेका छन् ।
काठमाडौं महानगरपालिका १६ ठमेलमा भारतीय पर्यटकहरूलाई अपरिचित व्यक्तिहरूले होटल खोज्न सहयोग गरी दिन्छु भन्दै गोंगबु बसपार्क नजिक रहेको धुर्ब ताराकम्प्लेक्सको छैठौ तल्लामा लगेर कुटपिट तथा लुटपाट गरी फरार भएका थिए ।
घटनाको
अनुसन्धानको क्रममा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उक्त कार्यमा संलग्न उनीहरूलाई काठमाडौं नयाँबजारबाट पक्राउ गरेको हो ।
उनीहरूलाई आवश्यक अनुसन्धान तथा कारवाहीको लागि जिल्ला प्रहरी परिसर काठमाडौं पठाइएको प्रहरीले जानकारी दिएको छ ।