काठमाडौं उपत्यकामा महानगर यातायातद्वारा विद्युतीय बस सेवा शुभारम्भ

काठमाडौँ
काठमाडौं उपत्यकामा महानगर यातायातले आजदेखि विद्युतीय बस सञ्चालनमा ल्याएको छ ।
ती १२ बस चक्रपथभित्र सञ्चालन हुनेछन् । भौतिक पूर्वाधार तथा यातायातमन्त्री देवेन्द्र दाहालले आज आयोजित कार्यक्रममा नयाँ बस सेवाको शुभारम्भ गर्दै पेट्रोलियम इन्धनमा निर्भरता कम गर्दै वातावरणमैत्री र ‘स्मार्ट’ सहर निर्माणका लागि विद्युतीय सार्वजनिक यातायात आवश्यक भएको बताएका छन् ।

सरकारले विद्युतीय बस सञ्चालन गर्न प्रोत्साहन गर्ने र आवश्यक नीति तथा संरचनात्मक सहयोग प्रदान गर्ने मन्त्री दाहालले बताएका छन् ।
कार्यक्रममा कम्पनीका सचिव केशव नेपालले महानगर यातायात प्राली पहिलो सार्वजनिक यातायातमा आधारित पब्लिक लिमिटेड कम्पनी भएको जानकारी दिए ।

कम्पनीका अध्यक्ष सन्तोष खतिवडाले निकट भविष्यमै उपत्यका र आसपासका अन्य क्षेत्रमा समेत विद्युतीय बस सेवा विस्तार गर्ने योजना रहेको जानकारी दिएका छन् ।

सो कम्पनीले चन्द्रागिरि, थानकोट हुँदै बनेपा र धुलिखेलसम्म बससेवा सञ्चालन गरिसकेको छ । कम्पनीले स्वस्थ वातावरणको प्रवद्र्धन र सहरी यातायातको दिगो विकासमा योगदान र्पुयाउने लक्ष्य राखेको बताएको छ ।