भारी वर्षाले कोटेश्वर–भक्तपुर सडकखण्ड अवरुद्ध, यात्रुबाहक बस फस्यो

काठमाडौँ । लगातारको वर्षाका कारण कोटेश्वर–भक्तपुर सडकखण्डको सृजनानगर क्षेत्रमा यात्रुबाहक बस फसेको छ। मंगलबार बिहानको वर्षाले सडक जलमग्न भएपछि अरनिको एक्सप्रेसको बस नालीमा फसेको हो। बसलाई निकाल्ने प्रयास भइरहेको भए पनि सडकमा पानी जमेका कारण उक्त खण्ड पूर्ण रूपमा अवरुद्ध भएको प्रहरीले जनाएको छ।

सडक अवरुद्ध भएपछि यात्रुहरूलाई ठूलो असुविधा भएको छ। वर्षासँगै सडकको जल निकास प्रणाली कमजोर हुँदा बारम्बार यस्तो समस्या देखिने गरेको स्थानीयले गुनासो गरेका छन्।