मातातीर्थबाट कौडा खेल्दै गरेका २२ जना पक्राउ, १६ लाख बरामद

काठमाडौं । प्रहरीले काठमाडौँको चन्द्रागिरी नगरपालिका वडा नम्बर–८ स्थित मातातीर्थबाट कौडा खेलिरहेका २२ जनालाई पक्राउ गरेको छ । प्रहरी वृत्त थानकोटबाट खटिएको प्रहरीले उनीहरुलाई पक्राउ गरेको हो ।

जुवाखालबाट १६ लाख ५३ हजार नगद बरामद गरिएको जिल्ला प्रहरी परिसर काठमाडौँका एसपी पवन भट्टराईले रातोपाटीलाई बताए । मातातीर्थस्थित एक घरमा हारजित हुनेगरी जुवाखाल सञ्चालन गरेको सूचनाको आधारमा प्रहरीले सो घरमा छापा मारेको थियो । आरोपीहरूविरुद्ध प्रहरीले जिल्ला प्रशासन कार्यालय काठमाडौँबाट जुवा मुद्दामा ६ दिनको म्याद लिएर अनुसन्धान गरिरहेको छ ।