काठमाडौंबाट पेस्तोलसहित एकजना नियन्त्रणमा

काठमाडौं । काठमाडौं जिल्ला प्रहरी परिसरले पेस्तोलसहित ४१ वर्षीय मनोज कुमार सुन्दासलाई नियन्त्रणमा लिएको छ। प्रहरीका अनुसार, मिति २०८२।०८।११ गते साँझ नागार्जुन नगरपालिका–६, रामकोट सिभिल होम नजिक टेलर सञ्चालन गर्ने सुन्दासले आफ्नो कोठामा हातहतियार लुकाएर राखेको भन्ने सूचना प्राप्त भएको थियो। प्रहरी टोलीले निजको कोठा खोतल्दा S/N 55009770 T-54 Nepal Police लेखिएको पेस्तोल, म्याग्जिन, र ८ राउण्ड गोली फेला पारेको छ।

उक्त हातहतियार तथा खरखजानासम्बन्धी कसूरमा सुन्दासविरुद्ध काठमाडौं जिल्ला अदालतबाट पाँच दिनको अनुसन्धान म्याद थप गरिएकाे छ।