ललितपुरमा ‘विगो’ मुद्दाका फरार प्रतिवादी पक्राउ

ललितपुर । ‘कर्जा रकम दिलाई भराई पाउँ (विगो)’ शीर्षकको मुद्दाका फरार प्रतिवादी कुसुम राई पक्राउ परेकी छन्। ललितपुर महानगरपालिका–१४ बस्ने २७ वर्षीया राईलाई १ वर्ष ३ महिना कैद सजायको फैसला भइसकेको थियो।

जिल्ला प्रहरी परिसर ललितपुरबाट खटिएको प्रहरी टोलीले २०८२ मंसिर १९ गते गोप्य सूचनाको आधारमा उनलाई पक्राउ गरेको हो। पक्राउ परेकी राईलाई अदालतमा पेश गरेको प्रहरीले जनाएको छ।

उक्त मुद्दामा अदालतले पहिलेदेखिकै फैसलाअनुसार सजाय कार्यान्वयनका लागि राईलाई खोजी भइरहेको थियो। प्रहरीले फरार अभियुक्त पक्राउ गर्न निरन्तर खोजी कार्य जारी रहेको जनाएको छ।