काठमाडौं । जेनजी प्रदर्शन हुँदा केन्द्रीय कारागारबाट भागेका एक जना कैदीलाई प्रहरीले काठमाडौँको चाबहिलबाट पक्राउ गरेको छ । पक्राउ पर्नेमा धनुषाको गणेशमान चारनाथ नगरपालिका–१ घर भएका ४९ वर्षीय जीवन पञ्चविर विश्वकर्मा उर्फ कान्छा छन् ।
उनलाई शुक्रबार काठमाडौँ महानगरपालिका–७ स्थित चाबहिलबाट पक्राउ गरिएको हो ।
मानव बेचबिखन तथा बलात्कार मुद्दामा उनी केन्द्रीय कारागारमा थुनामा थिए । भदौ २४ मा आन्दोलनको क्रममा उनी त्यहाँबाट भागेका हुन् ।
प्रहरी वृत्त गौशालाबाट खटिएको टोलीले उनलाई पक्राउ गरेर केन्द्रीय कारागारमा बुझाएको छ ।
प्रतिक्रिया