काठमाडौं । वाणिज्य, आपूर्ति तथा उपभोक्ता संरक्षण विभागले काठमाडौँका तीनवटा होटललाई कुल ४५ हजार रुपैयाँ जरिवाना गरेको छ।
विभागका अनुसार मंगलबार गरिएको अनुगमनका क्रममा थाकखोला थकाली भान्सा घरलाई १५ हजार, पाककला प्रालिलाई १० हजार र इन्द्रेणी फुड वर्ल्ड एन्ड ब्याङ्केटलाई २० हजार रुपैयाँ जरिवाना गरिएको हो।
उपभोक्ता संरक्षण ऐन, २०७५ को दफा ३८ (घ) बमोजिमको कसुरमा सोही ऐनको दफा ३९(१) अनुसार कारबाही गरिएको विभागले जनाएको छ।
अनुगमनका क्रममा अन्य होटल तथा खाजा पसलमा भने सुधार गर्नुपर्ने अवस्था देखिएकाले विभागले सुधारात्मक निर्देशन दिएको छ। विभागले कुल १८ वटा होटल तथा खाजा पसलमा अनुगमन गर्दा १५ वटालाई सुधारात्मक निर्देशन र तीन वटालाई नगद जरिवाना गरेको जनाएको छ।
प्रतिक्रिया