काठमाडौं। काठमाडौं उपत्यकाका तीन जिल्ला प्रहरी परिसरमा आगामी निर्वाचनका लागि नेपाल प्रहरीले निर्वाचन प्रहरी आवेदन लिइरहेको छ।
पुस २६ देखि माघ १ गतेसम्म आवेदन दिने समय तोकिएकोमा हालसम्म मिति २०८२/०९/२९ सम्ममा पुरुष ४,८८०, महिला १,९७४ र अन्य १ गरी कुल ६,८५५ जना आवेदकले आवेदन दर्ता गरिसकेका छन्।
अन्तिम अवसरका रूपमा माघ १ गते कार्यालय समयभित्र आवेदन दिन सकिनेछ। नेपाल प्रहरीका अनुसार, इच्छुक आवेदकहरूले समयमै आवेदन दिनुपर्ने र सम्पूर्ण प्रक्रिया नेपाल प्रहरीको निर्धारित नियमअनुसार हुने जनाइएको छ।
प्रतिक्रिया