आजबाट तीन नयाँ नेपाली चलचित्रको प्रर्दशन सुरु भएको छ ।
नयाँ चलचित्रहरु मालती मंगले, लालीबजार र गुरुआमा एकसाथ चलचित्र भवनहरुमा प्रर्दशन सुरु भएको हो ।
चलचित्र ‘लालीबजार’को प्रर्दशन रोक्न उच्च अदालत पाटनमा रिट परेपछि गएको शुक्रबार ( वैशाख १८ ) गते यो चलचित्रको प्रर्दशन स्थगित भएको थियो । गत बुधबार अदालतले प्रर्दशन अनुमती दिएपछि निर्माण पक्षले आजबाट प्रर्दशन सुरु गरेका हुन् ।
अभिनेत्री स्वस्तिमा खड्काको अभिनय रहेको चलचित्र ‘लालीबजार’ बादी समुदायको विषयमा चलचित्र निर्माण गरिएको र समुदायको बदनाम गरिएको भन्दै रिट निवेदन परेको हो ।
चलचित्र प्रर्दशन सुरु भएसँगै हलहरुले ‘लालीबजार’लाई १ सय २०, ‘मालती मंगले’लाई १ सय ३ र ‘गुरुआमा’लाई ७१ शो दिएका छन् ।
विजय बराल, वर्षा राउतजस्ता लोकप्रियकलाकारको अभिनय रहेको चलचित्र ‘मालती मंगले’ भने प्रेमकथामा आधारित चलचित्र हो । लालीबजार र ‘मालती मंगले’ दुबै यौन मनोविज्ञानमा आधारित चलचित्र हुन् । यी दुबै चलचित्रले राजधानीमा प्रिमियर शो गरेका छन् । दुबै चलचित्रलाई सहभागीहरुले उत्कृष्ट भन्द्र प्रतिकृया दिएको सुनिन्थ्यो ।
आजबाटै नेपालका हलहरुमा बलिउडका चलचित्र ‘कृष्णावतरम पार्ट १’ र हलिउडको ‘मोर्टल कम्ब्याट पार्ट २’ पनि प्रर्दशन हुने भएका छन् ।
प्रतिक्रिया