भरतपुरका कैदीहरु भाइरल ज्वरोबाट पीडित भएका छन् ।
कारागारका ५० जना कैदी भाइरल ज्वरोबाट पीडित भएका हुन् ।
जिल्ला कारागारका प्रमुख रवीन्द्र ढुङ्गानाका अनुसार हालसम्म ५० जना कैदीमा यो समस्या देखिएको हो । दैनिक पाँचदेखि सात जनामा भाइरल ज्वरोबाट पीडित भएका छन् । समस्या दैनिकरुपमा बढको छ ।
हाल कारागारमा ७ सय १२ जना कैदी छन् । यसको क्षमता ६ सय हो । यहाँ ५० जना महिला र ५ सय ५० जना पुरुषलाई राख्नसक्ने व्यवस्था भए पनि क्षमताभन्दा बढी बन्दीलाई राखिएको छ ।
भाइरल ज्वरोबाट पीडित भएकाहरुलाई छुट्टै कोठामा राखेर उपचार गरिएको छ । जिल्ला जनस्वास्थ्य कार्यालय र भरतपुर महानगरपालिकाको सहयोगमा औषधि व्यवस्थापन गरिएको प्रमुख ढुङ्गानाले बताएका छन् ।
प्रतिक्रिया