काठमाडौंको चन्द्रागिरीबाट नक्कली डाक्टर उपचार गरिरहेको आरोपमा पक्राउ परेकी छन् ।
प्रहरीले गैरकानुनी रूपमा उपचारमा संलग्न रहेको आरोपमा काठमाडौँको साविक मातातिर्थ ७ की ४७ वर्षीया चेतन एएम पौडेल पक्राउ परेकी हुन् ।
केन्द्रीय अनुसन्धान ब्यूरो (सीआइबी)बाट खटिएको प्रहरी टोलीले उनलाई चन्द्रागिरी नगर ८ स्थित एक स्वास्थ्य संस्थाबाट पक्राउ गरेको हो । प्रहरीका अनुसार चन्द्रागिरी ८ मा सञ्चालित ‘स्पार्क इन्टरनेशनल हेल्थ रिसोर्ट’मा पौडेल आफूले चिकित्सकको उपाधि प्रयोग नगरि यसको प्रयोग गर्दै आएको र नेपाल मेडिकल काउन्सिलको दर्ता प्रमाणपत्रबिनै बिरामीको आधुनिक चिकित्सा पद्धतिअनुसार निदान तथा उपचारमा संलग्न रहेको खुलेको छ ।
उनीविरुद्ध मुलुकी अपराध संहिता, २०७४ अन्तरगत इलाजसम्बन्धी कसुरमा मुद्दा दर्ता गरिएको छ । जिल्ला अदालत काठमाडौँबाट म्याद थप अनुमति लिई घटनाबारे थप अनुसन्धान भइरहेको प्रहरीले जनाएको छ ।
प्रतिक्रिया