धरहरामा पार्किङ बन्द गर्न काठमाडौं महानगरलाई पत्र, मेयर बालेन आक्रोसित

२२ माघ । काठमाडौं महानगरले न्युरोडमा पार्किङ बन्द गरेर धरहराको बेसमेन्टमा पार्क खुला गरेसँगै सर्वत्र प्रशंशा भयो । तर काठमाडौं महानगरका मेयर बालेन शाह भने सरकारले धरहरा पुर्ननिर्माणको काम अझैं सकिएको छैन । पार्किङ खुला नगर्नु भन्दै पत्र आए पछि आक्रोसित भएका छन् ।

सामाजिक सञ्जालमा लेख्दै मेयर शाहले २ बर्ष ९ महिना २० दिन अगाडि तत्कालिन प्रधानमन्त्री केपी ओलीबाट धरहरा उद्घाटन गरेको भएपछि बाँकी संरचना पुरा नभएकोमा उनको आक्रोस सार्वजनिक भएको हो ।
म्ेयर बालेनले उदघाटन गरेको २ बर्ष ९ महिनापछि पनि बनाएर नसकिएको लाज त्यागेर पत्र लेख्नुको औचित्य के हो ? भन्दै प्रश्न गरेका छन् ।
सर्वसाधारणको दैनिक जीवनमा प्रत्यक्ष असर गर्ने र शहरको व्यवस्थापनमा प्रभाव पार्ने यस्ता कुराहरूसँग ख्याल ठट्टा नगरौँ भन्दै मेयर बालेन शाहले
भनेका छन्, ‘पार्किङ बन्द छैन र बन्द हुने छैन महानगरको पहलमा अहिलेको लागि निसशुल्क सञ्चालन हुँदैछ ।’

उनले पार्किङ अझै ब्यबस्थापन गर्दै लग्ने प्रतिबद्धता व्यक्त गरेका छन् ।
उनले पार्किङको ठेक्का लिएर नेपाल सरकारको सम्पत्तिमाथि रजाइ गर्ने मनसाय देखिएको तर आफू काठमाडौ महानगरमा रहुन्जेल कसैको निजि स्वार्थको लागि सार्वजनिक सम्पती प्रयोग हुन नदिने मेयर बालेनले उद्घोष गरेका छन् ।