अपडेटः अर्घाखाँची बस दुर्घटनामा मृत्युको संख्या १८ पुग्यो

११ मंसिर ०७६,अर्घाखाँची । अर्घाखाँचीको सन्धीखर्क नगरपालिका–६ स्थित रातामाटामा भएको बस दुर्घटनामा मृत्यु संख्या १८ जनाको मृत्यु भएको छ ।

त्यस्तैगरी सन्धिखर्कबाट बुटवलतर्फ जाँदै गरेको लु २ ख २१४८ नम्बरको बस नरपानी बजार नजीकैको घुम्तीमा दुर्घटना भएको हो । बस सडकबाट ५ सय मिटर तल खसेर दुर्घटनाग्रस्त भएको हो ।

दुर्घटनामा गम्भीर घाइते भएकाहरुलाई उपचारका लागि बुटवल पठाइएको छ। त्यस्तै घाइते मध्ये दुई जनाको सन्धीखर्कमै उपचार भइरहेको छ ।मृतक र घाइतेको अहिलेसम्म सनाखत हुन सकेको छैन ।

दुर्घटनामा १७ जनाको घटनास्थलमा र एक जनाको उपचारका लागि अस्पताल लैजाँदै गर्दा बाटोमा मृत्यु भएको सहायक प्रजिअ विष्णुराज बेल्वासेले जानकारी दिए । मृत्यु हुनेमा ११ पुरुष र सात महिला गर िसहायक प्रजिअ बेल्वासेले जानकारी दिनुभयो ।

दुर्घटनामा १३ जना घाइते भएका छन् । घाइतेमध्ये ११ जनालाई उपचारका लागि प्रादेशिक अस्पताल बुटबल र दुई जनालाई जिल्ला अस्पताल सन्धिखर्क पठाइएको सशस्त्र प्रहरी बल अर्घाखाँचीका प्रहरी नायब उपरीक्षक माधव रेग्मीले जानकारी दिनुभयो । ।