काठमाडौंको मैह्पीमा मिनि ट्रकको ठक्करपछि युवकको मृत्यु

दुर्घटनामा गम्भीर घाइते भएका उनको ट्रमा सेन्टरमा उपचारको क्रममा मृत्यु भएको

काठमाडौं
४ असोज । काठमाडौंको मैह्पीमा मिनि ट्रकको ठक्करपछि युवकको मृत्यु भएको छ ।
प्रहरीका अनुसार काठमाडौं महानगरपालिका–१६ मैह्पी करिडोर नजिकै सडकमा ग.१४ प ६४४३ नम्बरको मोटरसाइकल र बा.४ ख ८६८५ नम्बरको मिनि ट्रक एकआपसमा ठक्करपछि मोटरसाइकलमा सवार युवकको मृत्यु भएको हो ।
बुधबार राती भएको दुर्घटनामा मोटरसाइकलमा सवार बाग्लुङ, बाग्लुङ नगरपालिका–१२ घर भएका २५ वर्षीय बिनोद खड्काको मृत्यु भएको थियो ।
दुर्घटनामा गम्भीर घाइते भएका उनको ट्रमा सेन्टरमा उपचारको क्रममा मृत्यु भएको प्रहरीको भनाई हो ।
साथै दुर्घटनामा घाइते भएका मोटरसाइकलमा सवार १ जनाको सोही अस्पतालमा उपचार भइरहेको छ ।
ट्रक चालकलाई प्रहरीले नियन्त्रणमा लिएको जानकारी दिएको छ ।