‘कमेडी दरबार’बाट विजय बराल बाहिरिए, हाँस्य कलाकार मनोज गजुरेल बने ‘महाराजा’

ललितपुर
कमेडी टीभी शो ‘कमेडी दरबार’मा विजय बराल बाहिरिएका छन् । हाँस्य कलाकार मनोज गजुरेलका ‘महाराजा’को रुपमा देखिने भएका छन् ।
राजधानीमा आयोजित पत्रकार सम्मेलनमा शोको सन्दर्भमा महत्वपूर्ण हेरफेर भएको जानकारी दिइएको हो ।
कार्यक्रममा उद्घोषण गरिरहेकी नम्रता श्रेष्ठको ठाँउमा सजिना खनालले प्रवेश पाएकी छिन् । खनालले शोका निर्देशक विक्की अग्रवालसँग मिलेर होस्ट गर्नेछिन् ।
आउँदो २७ औं भागमा परिवर्तन देखिने कार्यक्रममा जानकारी दिइएको हो ।
पछिल्लो समय लोकप्रिय यस टेलिभिजन रियालिटी शोमा अब अभिनेत्री गौरी मल्ल ‘महारानी’ र मनोज गजुरेल ‘महाराजा’को भूमिकामा देखिनेछन् ।
कार्यक्रम प्राइभ टेलिभिजन र युट्युवमा ओएसआर डिजिटलबाट प्रशारण हुँदै आएको छ ।