चलचित्र भवनभित्र भिडियो खिचेकोप्रति दर्शकको आक्रोस

ललितखबर
गत शुक्रबार ललितपुरको लभिम मलमा एक चलचित्र प्रर्दशनपछि हलमा कलाकार र पत्रकारहरु एकाएक प्रवेश गरे । चलचित्रमन कलाकारहरु एक्कासी देखेपछि केही दर्शक हुटिङ गरिरहे । केहीले सेल्फी खिचे । रमाए ।
ढोका नजिकै पुगेपछि एक दर्शकले ‘क्यामेरा बन्द गर्न’भन्दै औला ठड्याएर आक्रोस पोखे । उनले हलभित्र पत्रकारहरुको क्यामेराले भिडियो खिचेकै कारण ‘दर्शकले मुख छोप्नु परिरहेको’ भन्दै आक्रोस पोखे । हरेक ‘दर्शकको व्यक्तिगत स्वतन्त्रता हुने’ भन्दै उनले पत्रकारतिर औला ठड्याए ।
चलचित्र प्रर्दशनपछि हल हलमा युट्युवबर र पत्रकारहरुले चलचित्रको रिपोर्ट बनाउने भन्दै चलचित्र चलिरहेको अवस्थामा हलभित्रै क्यामेरा लैजाने र भिडियो खिचेपछि कतिपय दर्शकले विरोध गर्ने गरेका छन् । निर्माण पक्षले चलचित्रप्रति दर्शकको उत्साह देखाउन क्यामेराहरुको सहायता लिने गरेका छन् ।
चलचित्र भवनमा प्रेमी प्रेमिकाको जोडी समेत चलचित्र हेर्न आउने र अनुहार देखाउन नचाहने अवस्था छ । हलभित्रै पर्दामा चलचित्र चलिरहदा क्यामेरा लैजानु पत्रकारको मर्यादाभित्र नपर्ने भन्दै कतिपयको सञ्चारकर्मीहरुको असहमती रहेको छ ।
पत्रकार र युट्युवरहरुले फुटेज खिच्ने गरेकाले चलचित्र भवनमा कतिपय कलाकारहरु मास्क लगाएर प्रवेश गरेको देख्न सकिन्छ ।
भारतलगायत संसारका धेरै देशभित्र चलचित्र चलिरहेको अवस्थामा क्यामेरा लैजान निषेध गरिएको छ । जर्वजस्ती भिडियो खिच्न नहुने तर्क गर्दै केही पत्रकारहरुले यस्तो शैलीको विरोध गरेका छन् ।
युट्युवरहरुले पनि पत्रकारिताको न्युनतम मान्यतालाई पालना आग्रहसरकारी प्रेस रजिष्टार, सूचना विभागमा दर्ता नभएका र प्रेस काउण्सिलमा सूचिकृत नभएका सञ्चार माध्यमले गृह मन्त्रलयले कारवाही गर्न सक्ने भन्दै पत्रकारहरुले असहमती जनाएका हुन् ।
चलचित्रका निर्माण पक्षले यो खिच्न र त्यो नखिच्न भन्दै आदेशनात्मक शैलीमा पत्रकारहरुलाई निर्देशन दिने गरेको र पत्रकारहरुले आफ्नो मूल्य गुमाएकोले त्यसो गर्न नहुने एक सञ्चारकर्मीले नाम उल्येख नगर्न आग्रह गर्दै ललितखबरलाई बताए ।