ललितखबर
नेपाल आइडलकी प्रतियोगी गंगा सोनाम पछिल्लो समय चर्चामा छिन् ।
सिन्धुपाल्चोकबाट राजधानी आएर साँगेतिक कर्ममा होमिएकी सोनामले आइडलमा देउडा गीत गाएर जर्जहरुको मन जितेकी थिइन् । उनले थियटर राउण्डमा लेकैमा फुल्यो लै लालीगुराँस गाउदा निर्णायक कालीप्रसाद बास्कोटा र न्ह्यु बज्राचार्य लठ्ठै परेका थिए ।
थियटर राउण्डको अन्तिम २३ मा पर्न सफल सोनामप्रति समर्थकको रोजाईमा छिन् । उनलाई सामाजिक सञ्जालमा पछ्याउने संख्या निरन्तर बढ्दो छ भने उनको गीत सुनेर युट्युवमा सकारात्मक प्रतिकृयाको ओइरो लागेको छ । धेरै समर्थकले उनलाई नेपाल आइडलमा हेर्न चाहेको प्रतिकृया दिएका छन् । उनले गाएका गीतका फुटेजहरु सामाजिक सञ्जालमा यत्रतत्र देखिन थालेको छ ।
गंगाले बेल बटम बोलको गीत समेत युट्युवमा हेर्न र सुन्न सकिन्छ ।
रामकुमार नेपालीसँग उनी संगीत प्रशिक्षण लिइरहेकी छिन् । उनका दाई दिपक सोनाम समेत साँगेतिक र मोडलिङ क्षेत्रमा संर्घषरत छन् ।
मिठो र मौलिक स्वरमा गीत गाउने प्रतियोगी सोनाम निर्दोष बोलीचाली र हाउभाउका कारण पनि धेरैको आँखामा परेकी हुन् ।
प्रतिक्रिया