रोपाईँ उत्सवमा कलाकारहरुको रमाइलो (तस्विरहरु)

काठमाडौँ

राजधानीको रोपाईँ उत्सवमा कलाकारहरुको रमाइलो गरेका छन् ।
२२ औं धान दिवसको उपलक्ष्यमा राष्ट्रिय लोक सन्चारकर्मी नेपालले आयोजना गरेको रोपाईँ उत्सवमा थुप्रै गायक गायिका सहभागी भए ।

गोकर्णेश्वर ७ शिवचोकको फाँटमा आयोजना गरिएको कार्यक्रममा साँस्कृतिक कार्यक्रमपछि धान रोपाईमा सरिक भएका थिए ।

कार्यक्रममा वरिष्ठ गायक, संगीतकार, चलचित्र निर्देशक नारायण रायमाझीसँगै बद्री पँगेनी, नवीन पौडेल, मञ्जु पौडेल, सरोज लामिछाने र लोक तथा दोहोरीगीत प्रतिष्ठानकी अध्यक्ष रीता थापा मगर, मोडल एलिजा गौतम, सन्जु न्यौपाने, बालगायिका आयुशा गौतम लगायतको उपस्थिती थियो ।
यस्तै उक्त रोपाईँ उत्सवमा घाँसेगीतका ज्ञाता शिवनारायण जोशी र नारायण रायमाझीलाई सम्मान पनि गरिएको थियो । आयोजक संस्था राष्ट्रिय लोक सन्चारर्की नेपालका अध्यक्ष चन्द्रमणी गौतमले नेपाल कृषिमा आत्मनिर्भर हुनुपर्छ भन्ने उद्देश्यका साथ संस्थाले हरेक बर्षको असार १५ मा रोपाईँ उत्सव गर्दै आएको जानकारी दिए ।

साथै उनले संस्थाले बिशेषगरी नेपाली मौलिक, सँस्कृति झल्किने कार्यक्रममा जहिले पनि जोड दिने बताए ।

कार्यक्रममा गोकर्णेश्वर नगरपालिकाका मेयर दिपककुमार रिसालले लोक सन्चारकर्मीको नेपालले सँस्कृति र नेपालको पहिचान जोगाउनका लागी भूमिका खेलेकोमा धन्यवाद ब्यक्त गरे । साथै कृषिमा नेपाललाई आत्मनिर्भरता बनाउनका लागी हामी सबै कृषकहरुकै मुख्य भूमिका हुने भन्दै उनले कृषीमा जोड दिन आग्रह गरे ।