गौशालाबाट लुटपाट गर्ने पाँच जना युवाहरु पक्राउ

काठमाडौं
काठमाडौंको गौशालाबाट लुटपाट गर्ने पाँच जना युवाहरु पक्राउ परेका छन् ।
प्रहरीका अनुसार शुक्रबार साँझ उनीहरु प्रहरी वृत्त गौशालाबाट खटिएको प्रहरीले पक्राउ गरेको हो ।
पक्राउ पर्नेहरूमा दक्षिणकाली नगरपालिका४ बस्ने ३२ वर्षीय रामबहादुर तामाङ, सिन्धुपाल्चोक लिसंखु पाखर गाउँपालिका ३ घर भएका ४० वर्षीय बिपिन लामा, महोत्तरी बर्दिबास नगरपालिका ६ घर भएका ३८ वर्षीय बिनोद मगर, रामेछाप सुनापाति गाउँपालिका ३ घर भएका ३० वर्षीय राजु तामाङ र रामेछाप मन्थली नगरपालिका १६ घर भएका ३० वर्षीय राजकुमार माझी रहेका छन् ।
काठमाडौं महानगरपालिका ९ गौशाला रुन्चेडाँडास्थित सार्वजनिक सडकमा वैदेशिक रोजगारबाट आएका एक व्यक्तिलाई उनीहरूले धाक धम्की देखाएर उनीसँग रहेको नगद ४५ हजार रूपैयाँ लुटपाट गरेको थिए । लुटपाटको खबरपछि उनीहरूलाई काठमाडौं गौशालाबाट लुटपाट गरेको उक्त रकम सहित फेला पारी पक्राउ गरेको हो ।
उनीहरूलाई डाँका गर्न नहुने सम्बन्धी कसूर मुद्दामा जिल्ला अदालत काठमाडौंबाट ५ दिन म्याद थप गरिएरको छ । घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।