अभिनेत्री करिष्माले छोडिन् एमाले

ललितखबर
नेपाली चलचित्र क्षेत्रकी चर्चित अभिनेत्री करिष्मा मानन्धरले नेकपा एमाले परित्याग गरेको घोषणा गरेकी छिन् ।
सामाजिक सञ्जालमार्फत उनले आफू जनताको कलाकार भएको बताउदै जनता कै आवाज रहन चाहेको उद्घोष गरेकी छिन् ।
ऋभिनेत्री मानन्धरले आगामी सन्ततिप्रति जिम्मेवारी आफ्नो पहिलो प्राथमिकता रहेको स्मरण गराउदै राजनीतिक संस्थामा संलग्नता यी सबै मूल्य र प्राथमिकताको हितका लागि मात्र भएको प्रष्ट लेखेकी छिन् । उनले भनेकी छिन्, ‘आजदेखि म कुनै पनि राजनीतिक दल वा संगठनसँग आबद्ध नभएको कुरा स्पष्ट पार्न चाहन्छु ।’

केही समयअघि एमाले प्रवेश गर्दै आफ्नो न्वारनको नाम सूर्यकुमारी रहेको र आफू सच्च एमाले रहने प्रतिबद्धता व्यक्त गरेकी थिइन् ।

उनको भनाई उनकै शव्दमा ः

मानव भएर जन्मिएको नाताले,
मानवता नै मेरो पहिलो प्राथमिकता हो ।
न्याय मेरो पहिलो प्राथमिकता हो ।
आगामी सन्ततिप्रति जिम्मेवारी मेरो पहिलो प्राथमिकता हो ।
र, आफ्नै अन्तरात्माको आवाज सुन्ने सामथ्र्य मेरो पहिलो प्राथमिकता हो ।
अहिलेसम्म कुनै राजनीतिक संस्थामा मेरो संलग्नता यी सबै मूल्य र प्राथमिकताको हितका लागि मात्र थियो । तर आजदेखि म कुनै पनि राजनीतिक दल वा संगठनसँग आबद्ध नभएको कुरा स्पष्ट पार्न चाहन्छु ।
म जनता कै कलाकार थिएँ, जनता कै आवाज थिएँ, र आगामी दिनहरूमा पनि त्यही रूपमै रहिरहन चाहन्छु ।