काठमाडौं । नवनियुक्त अर्थमन्त्री रामेश्वर खनालले पूर्व तयारी नभएका र टुक्रे आयोजना कार्यान्वयन नगर्ने घोषणा गरेका छन्।
मन्त्रीको पदभार ग्रहण गरेलगत्तै अर्थमन्त्री खनालले यस्तो घोषणा गरेका हुन्। नवनियुक्त अर्थमन्त्री खनाललाई कर्मचारीहरूले मन्त्रालयमा स्वागत गरेका थिए।
‘अबको प्राथमिकता युवाका माग पूरा गर्नुछ, निर्वाचन गर्नुछ। त्यसकारण खर्च कटौती गर्न यो निर्णय गरिएको हो,’ मन्त्री खनालले भने।
उनले आफूलाई माननीय नभन्न समेत आग्रह गरे।
अर्थमन्त्रीको रूपमा जिम्मेवारी सम्हाले पनि उनले यो अवधिमा तलब, गाडी तथा मन्त्री क्वार्टर सुविधा नलिने बताएका छन्।
सरकारले गठन गरेको मन्त्रीहरूमा अर्थमन्त्री खनाललाई पहिलो वरीयतामा राखिएको छ।
प्रतिक्रिया