नमोबुद्धका पूर्वमेयर तिमल्सिनाको दुर्घटनापछि निधन

काभ्रेपलाञ्चोक
नमोबुद्ध नगरपालिकाका पूवमेयर टङ्कप्रसाद (टिपी) शर्मा तिमल्सिनाको आज बिहान निधन भएको छ ।
पूवमेयर तिमल्सिनाको धुलिखेल अस्पतालमा उपचारका क्रममा आज बिहान निधन भएको उनका भतिजा प्रकाश तिमल्सिनाले जानकारी दिएका छन् ।

नमोबुद्ध–२ का ६७ वर्षीय तिमल्सिना २०७४ सालमा भएको स्थानीय तहको निर्वाचनमा नगरमेयरमा निर्वाचित भएका थिए ।
गत साउन १० गते बिपी राजमार्गको बीसकिलोमा छोरा किशोरले चलाएको स्कुटरमा सवार भएको अवस्थामा काठमाडौँतर्फ जाँदा उन दुर्घटनामा परेका हुन् ।
गम्भीर घाइते उनी धुलिखेल अस्पतालको सघन उपचारकक्षमा उपचाररत थिए। तिमल्सिनाका श्रीमती र दुई छोरा छन् ।