काठमाडौं
दक्षिणकाली सडक हुँदै काठमाडौंमा लागूऔषध भित्राउदै गरेको अवस्थामा दुई युवक पक्राउ परेका छन् ।
प्रहरीका अनुसार दक्षिणकाली नगरपालिका ५ बाट नियन्त्रित लागूऔषध ट्रामाडोल १५ हजार ट्याब्लेट सहित रौतहट परोहा नगरपालिका–९ पटेल टोल बस्ने १९ वर्षीय अविनाश पटेल समेत २ जनालाई बुधबार दिउँसो प्रहरीले पक्राउ गरेको छ ।
इलाका प्रहरी कार्यालय फर्पिङबाट खटिएको प्रहरीले रौतहटबाट काठमाडौंतर्फ आउँदै गरेको बा.प्र.०३–००१ ज ०६१२ नम्बरको गाडीमा सवार उनीहरूलाई उक्त लागूऔषध सहित पक्राउ गरेको हो ।
उनीहरुका सम्बन्धमा अनुसन्धानसँगै कानूनी कारवाहीको प्रकृया सुरु भएको प्रहरीले जानकारी दिएको छ ।
प्रतिक्रिया