चलचित्र ‘मितज्यू’ को पोस्टरमा दयाहाङ र सौगातको शक्ति प्रदर्शन

नेपाली चलचित्र क्षेत्रका सर्वाधिक चर्चित कलाकार हुन् कलाकार दयाहाङ राई,सौगात मल्ल । दुबै कलाकारहरुले सँगै अभिनय गरेको चलचित्र हेर्न दर्शक पर्खेर बसेका हुन्छन् । दयाहाङ र सौगातका फ्यानहरुका लागि खुशीको खबर छ

यही जेठ १५ गतेबाट उनीहरुको अभिनय रहेको चलचित्र ‘मितज्यू’ प्रर्दशनको तयारीमा छ । निर्माण टिमले भर्खरै चलचित्रको रोचक पोस्टर समेत सार्वजनिक गरेको छ ।

पोस्टरमा चलचित्रका कलाकार दयाहाङ राई,सौगात मल्ल र तेरिया फौजा मगरलाई देख्न सकिन्छ । ग्रामीण परिवेश र सामाजिक द्वन्द्वको झल्को देखिन्छ । पहाडी पृष्ठभूमिमा गुडिरहेको जिपको अगाडि दुई पुरुष दयाहाङ राई र सौगात मल्लबीचबीच शक्ति प्रदर्शन झल्किने शैलीमा पञ्जा जुधाइरहेको दृश्य प्रस्तुत गरिएको छ भने जिपको बोनटमाथि परम्परागत पहिरनमा तेरिया पौजा मगर गम्भीर मुद्रामा बसेकी देखिन्छिन् । पोस्टरले पारिवारिक सम्बन्ध, अहंकार र सामाजिक टकरावको कथावस्तु संकेत गरेको अनुमान गर्न सकिन्छ।

साथै गाडीको हुटमा कोसेलीका स्वरुपमा सुँगुर,राडीपाखी,तरकारी राखिएको देख्न सकिन्छ। उनीहरु कतै बसाईँ सरेका हुन कि जस्तो पनि लाग्छ। साथै छेउमा डोको र गाग्री पनि देख्न सकिन्छ। यसले दर्शकमाझ उनीहरुको लडाईँ र तेरियाको त्यो बिरक्त लाग्दो अनुहारले दर्शकमाझ कौतुहलता जगाउने देखिन्छ। जुन चलचित्रको बलियो पक्ष हो।

उनीहरुबीचको लडाई तेरियाको लागि हो की या अरु कुनैको लागि हो त्यो भने टिजर र ट्रेलरमा देख्न सकिएला। तर यो पोस्टरले भने उनीहरुबीचको लडाइँ के को हो दर्शकमाझ कौतुहलता जगाउन सफल भएको छ।

अनिल बुढा मगरको निर्देशनमा निर्माण भएको यो चलचित्रमा दयाहाङ राई, सौगात मल्ल, तेरिया फौजा मगर, पुस्कर गुरुङ, शिशिर वाङ्देल, राज थापा, सुवर्ण थापा, अनु थापा, स्मिता लामिछाने, अरुण पुन मगर, उत्तम राज पाण्डे, सविन कट्टेल, उमेश सोनाम, पवित्रा खड्का, चाहाना राना मगर, अनुशा राई, खड्गबहादुर पुन मगर ९खबपु० लगायतको अभिनय रहनेछ। यसै चलचित्रबाट तेरिया मगरले अभिनेत्रीका रुपमा डेब्यु गरेकी हुन्।

यस चलचित्रलाई जनक घर्ती मगरले लगानी गरेका हुन।

जीएम मुभिज प्रोडक्सनको ब्यानरमा निर्माण भएको यो चलचित्रको , सम्पादक लोकश बज्राचार्य, छायाकार शिशिर बिशंखे हुन भने कार्यशाला भोलाराज सापकोटाले गरेका छन्।

पोडक्सन म्यानेजर धन बहादुर राई ९भान्जा०ले गरेका हुन् भने चलचित्रको मुख्य सहायक निर्देशकको जिम्मा फिरोज खड्काको छ। सहायक निर्देशकमा अनिल दाहाल, सञ्जु नेपाली र एल्मिना राई रहेका छन्। प्रोडक्सन डिजाइनर किशोर नेपाल, ड्रेस डिजाइनर संगीता रोका मगर,प्रतीक्षा भाट क्षेत्री हुन्।

त्यसै गरि यो चलचित्रमा द्वन्द्व निर्देशन प्रभात विष्टको छ भने साउन्ड डिजाइनर नवीन श्रेष्ठले गरेका छन्। संगीत श्रीकृष्ण बम मल्लको रहनेछ। चलचित्रका गीतमा संगीतकार मल्ल,मेलिना राई र लक्ष्मी मल्लले गाएका छन्। यस चलचित्रमा कोरियोग्राफर मिङ्मा लेप्चाले गरेका छन्।

आरआर चलचित्रस वितरक रहेको यो चलचित्र आगामी जेठ १५ गते गणतन्त्र दिवसको अवसरमा प्रदर्शनमा आउने निर्माण पक्षले जनाएको छ।