अफ्रिका लगेर मान्छे बेचेको आरोपमा पक्राउ

काठमाडौं, १७ मङ्सिर ०७७ । गैरकानुनी रुपमा दक्षिण अफ्रिका पु¥याई मानव बेचविखन गर्ने कार्यमा संलग्न फरार अभियुक्त ताप्लेजुङ गेंरिडदेन गाउँपालिका ४ घर भएका ४३ वर्षीय गणेश कुमार लोंवालाई मंगलबार प्रहरीले पक्राउ गरेको छ ।
उनले ३ जनालाई वैदेशिक रोजगारीमा आकर्षक तलब दिलाईदिने प्रलोभनमा पारी गैरकानूनी तवरले त्रिभुवन अन्तर्राष्ट्रिय विमानस्थलबाट भारत, दुवई र कतार हुँदै साउथ अफ्रिकासम्म पु¥याई बिक्री गरी शारीरिक, मानसिक र आर्थिक शोषण गरी ४÷५ महिनासम्म बन्धक बनाई राखेको खुल्न आएको छ । पीडितहरु कोही नभएको मौका पारी भागेर नेपाली राजदूताबासमा पुगी दूताबासको समन्वयमा आफन्तहरुको सम्पर्कमा आई नेपाल फिर्ता भए ।
पश्चात दिएको जाहेरीको आधारमा मानव बेचबिखन अनुसन्धान ब्यूरो बबरमहलबाट खटिएको प्रहरीले अभियुक्त लोंवालाई काठमाडौं महाराजगञ्जबाट पक्राउ गरेको हो ।
लोंवा उपर जिल्ला अदालत काठमाडौंबाट म्याद थप गरि अनुसन्धान शुरु गरेको प्रहरीले बताएको छ ।