सिरहामा डाका मुद्दामा फरार पक्राउ

महेश सिंह महतो
१९ श्रावण २०७६, सिरहा । सिरहाबाट फरार रहेका सिरहाको बिष्णुपुर गाउँपालिका ३ राजपुरका २० बर्षिय रुपेशकुमार यादवलाई प्रहरीले पक्राउ गरेको छ । डाका मुद्दा परेका यादव बिगत केहि दिनदेखि छिमेकी मुलुक भारतमा लुकिछिपी बस्दै आएको थिए । डाका मुद्दामा केही दिनदेखि फरार रहेका उनलाई सिरहा प्रहरीले शनिबार पक्राउ गरेको हो । ईलाका प्रहरी कार्यालय बिष्णुपुरबाट खटिएको नेपाल प्रहरीको टोलीले सूचनाको आधारमा पक्राउ गरेका वताइएको छ । फरार रहेका यादवलाई ईलाका प्रहरी कार्यालय बिष्णुपुर प्रहरीको गस्ती टोलीले बिष्णुपुरगाउँ पालिका ३ राजपुरमा भेटेकोे हो ।
पक्राउ परेका यादवलाई जिल्ला प्रहरी कार्यालय सिरहामा राखी थप अनुसन्धान भइरहेको जिल्ला प्रहरी कार्यालय सिरहाका प्रहरी प्रवक्ता अपिलराज बोहराले बताए ।