२ जेठ ०७९, ललितपुर । ललितपुर महानगरपालिकाको पछिल्लो मतपरिणामअनुसार गठबन्धनका उम्मेदवार कांग्रेसका चिरिबाबु महर्जन ४४७३ मतसाथ अगाडि छन्।
उनलाई एमालेका हरिकृष्ण व्यञ्जनकारले १६२१ मतसाथ पछ्याइरहेका छन्। चिरिबाबुले एमालेका हरिकृष्णको भन्दा करिब ३ गुणा बढी मत ल्याएका छन्।
उता उपमेयरमा भने गठबन्धनका उम्मेदवार नेकपा माओवादी केन्द्रका बाबुराम वज्राचार्य पछाडि परेका छन्। उनले पछिल्लो नतिजामा १४६४ मत पाएका छन्।
एमालेकी उपमेयर उम्मेदवार मञ्जली शाक्य वज्राचार्यले २००५ मतसाथ अग्रता बनाइरहेकी छन्। ललितपुरमा कांग्रेसबाट उपमेयर उम्मेदवार नभए पनि रुखमा अहिलेसम्म ११५१ मत खसेको छ।
प्रतिक्रिया