३१ जेठ ०७९, बुटवल । लुम्बिनी प्रदेशकी स्वास्थ्य राज्यमन्त्री बिमला वलीलाई कारबाहीको माग गर्दै इलाका प्रहरी कार्यालय तुलसीपुर परिसरमा प्रदर्शन भएको छ। मन्त्री वलीले आज बिहान तुलसीपुर उपमहानगरपालिका ५ की मीना बस्नेत र उनकी छोरीमाथि कुटपिट गरेकी थिइन्।
घरभित्रै पुगेर महिला र बालिकामाथि कुटपिट गरेको भन्दै मन्त्री वलीलाई कारबाही गर्न माग गर्दै स्थानीय महिलाले इप्रकाअगाडि प्रदर्शन गरेका छन्।
इप्रका बाहिर स्थानीय महिलाहरूले राज्यमन्त्री वलीमाथि कानुनी कारबाहीको माग गर्दै नाराबाजी गरेका हुन्।स्थानीयले नाराबाजी गरेपछि राज्यमन्त्री वलीलाई घोराहीतर्फ लगिएको छ। उनलाई जिल्ला प्रहरी कार्यालय लैजाने तयारी छ।
प्रतिक्रिया