लपु खबर
ललितपुर
२७ फागुन ०७५
संघीय सरकारका भौतिक योजना तथा यातयातमन्त्री रघुविर महासेठले स्थानीय सडक पिडितहरुसँग संवाद गरेर सबै पिडितहरुलाई क्षतिपूर्ति दिएर सडक विस्तार गर्न चाहेको धारणा राखेका छन् । सोमबार ललितपुर गोदावरी नगरपालिकाको तेश्रो स्थापना दिवस कार्यक्रममा बोल्दै मन्त्री महासेठले भने,‘विकास सबैका लागि हो । विकाशको विरोध कसैले गर्नुहुन्न भन्ने विस्वास छ ।’
चेतनाथ सञ्जेलले यस नगरपालिकाको सबै भन्दा ठूलो समस्या सातदोवाटो लेले सडक रहेको विचार व्यक्त गरे । उनले भने न हामी सासंदले पैसा हालेर यो सडक बनाउन मिल्छ न मेयरले नै । यो सडक मन्त्री महासेठले हालेर बनाउन पर्छ ।
मेयर गजेन्द्र महर्जनले सडक विस्तार अघि बढिसकेको भए पनि मुआव्जाका कारण रोकिएको जानकारी दिए ।
सासंद नवराज सिलवालले मन्त्रीले सडक विभागका डिजी लगायत टिमै लिएर आएको हुँदा चापागाँउ तिलेश्वर र गोदावरी सडक निर्माण हुने विश्वास गरे । सिलवालले सडक वरपरका स्थानीयहरुलाई धुलोले समस्या भएको भन्दै सासंद चाडै यो सडक निर्माणको पहल गर्नु पर्ने विचार व्यक्त गरे ।
इमाडोल लूभू सडक ८० प्रतिशत काम सकिएको तर छम्पी सडकमा मुआव्जा समस्या मिलाएर काम गर्न पहल हुने विस्वास व्यक्त गरे ।
कार्यक्रममा स्थानीयबासी गायिका निशा देशार गायिक धर्मेन्द्र सेवान र संगीतकार आलोक श्रीलाई सम्मान गरिएको थियो ।
प्रतिक्रिया