गुठी विधेयक छलफलमा पत्रकारलाई निषेध

२ असार, काठमाडौं । प्रधानमन्त्री केपी शर्मा ओलीले वालुवाटारमा बोलाएको गुठी विधेयकसम्बन्धि छलफल पत्रकारलाई प्रवेश गर्न रोक लगाइएको छ ।
युरोप भ्रमणबाट फकिएपछि विधेयकका विषयमा छलफल शुरु गरेका प्रधानमन्त्रीले पत्रकारहरुलाई वालुवाटारको ढोकामै रोकेका हुन् । बैठक चलिरहदा पत्रकारहरुलाई खाजा खान क्याण्टिनसम्म पनि जान दिइएको छैन । पत्रकारहरु वालुवाटारमा हुने हरेक छलफलमा निवास स्थलसम्म जान अनुमति दिने गरिएको थियो ।
प्रधानमन्त्री निवासको ढोकै नजिकको हलमा शुरु वैठकमा फोटो खिच्न भिडियो खिच्न पनि बोलाइन ।

प्रधानमन्त्री ओलीले दिउँसो ३ बजे काठमाडौं उपत्यकाका जनप्रतिनिधिहरुलाई बोलाएर छलफल गरेका हुन् । वैठकमा उपत्यकाा सासंद,मेयर उपमेयरदेखि वडाध्यक्षसम्म बालुवाटार पुगेका छन् ।