नेकपाको संगठन विभागमा तीन असन्तुष्ट नेता थप

२९ असाेज २०७६ काठमाडौं । सत्तारुढ दल नेपाल कम्युनिष्ट पार्टी (नेकपा) ले संगठन विभागमा तीन असन्तुष्ट नेतालाई थपेको छ । नेकपाले संगठन विभागमा अष्टलक्ष्मी शाक्य, भानुभक्त ढकाल र हरि अधिकारीलाई थपेको हो ।

नेकपाको बुधबारको सचिवालय बैठकले उहाँहरुलाई संगठन विभागमा राख्ने निर्णय गरेको प्रवक्ता नारायणकाजी श्रेष्ठले बैठकपछि जानकारी दिनुभयो । संगठनको विभागको प्रमुख वामदेव गौतम र उपप्रमुख जनार्दन शर्मा हुनुहुन्छ ।

त्यसैगरी बैठकले उपनिर्वाचनको लागि समेत हरेक पदमा ३र३ जनाको नाम पठाउन मातहतको कमिटीलाई पत्राचार गर्ने निर्णय पनि गरेको छ । जनप्रतिनिधिको निधनको कारण मुलुकमा संघीय संसद प्रतिनिधिसभाको १, प्रदेशसभाको ३ र स्थानीय तहसहित ५१ पद रिक्त छ । रिक्त पद पूर्तिको लागि मंसिर १४ मा उपनिर्वाचन हुँदैछ ।